Yossief Worke Asrat

---

Metsihaf Eyo Tigrinya Hade

This a Tigrinya reading and writing book for children. The author reorganized the geez alphabets for easy grasp by children. He has categorized the alphabets by their shape and logical similarities to easily be studied by children. The book provides ample examples to practice the basics of the alphabets with incremental drills in forming words and sentences. The exercises would enable children practice reading as well as writing in the Tigrinya language from easy ones formed in one word to lengthy sentences. The books is meant for children from early school going ages up to teenagers.

መጽሓፍ ሓደ ቀዳማይ ክፋል፡ ቋንቋ ትግርኛ ክምሃሩ ንዝጅምሩ ቈልዑ መንቀሊ ባይታ እያ። ፊደላት ትግርኛ፡ ብዝቐለለ መንገዲ ክምሃሩላ ተባሂላ ዝተጻሕፈት መጽሓፍ ድማ እያ። ኣብ’ዛ መጽሓፍ፡ ፊደላት ቋንቋ ትግርኛ፡ ብቕርጾም ኣብ ዝተፈላለዩ ጕጅለታት ተመዲቦም ኣለዉ። ቀዳማይ ጕጅለ፡ ክልተ እግሪ ዘሎዎም ፊደላት ኰይኖም፡ ብቐሊሉ ቈልዑ ክለማመዱዎም ዝኽእሉ ፊደላት እዮም። ኣብ’ዚ መደብ እዚ፡ በ፡ ቨ፡ ሰ፡ ሸ፡ ከ፡ ኸ፡ አ፡ ለ፡ ዘ ከምኡ’ውን ዠ ይጠቓለሉ። ብመሰረት ኣብ’ዛ መጽሓፍ ቀሪቡ ዘሎ ትሕዝቶ፡ እዞም ፊደላት እዚኦም፡ ኣብ ሰለስተ ንኡሳን ጕጅለታት ተመቒሎም ኣለዉ። ሓደ ፊደል ምስ ሰዓብቱ ኣብ እንምህረሉ ግዜ ድማ፡ ንፊደላት ሳድስን ሳብዕን ፍሉይ ኣተኵሮ ክንህቦም ይግባእ። ኣብ ካልኣይ ጕጅለ፡ ሓደ እግሪ ዘሎዎም ፊደላት ኣለዉ። ገ፡ ነ፡ ኘ፡ ፐ፡ ተ፡ ቸ፡ ቀ፡ ቐ፡ ረ ከምኡ’ውን ፈ እዮም። እዞም ፊደላት እዚኦም፡ ኣብ ኣርባዕተ ንኡሳን ጕጅለታት መቒልና ክንምህሮም ንኽእል። ብተወሳኺ፡ ሓደ ፊደል ምስ ሰዓብቱ ኣብ እንምህረሉ ግዜ፡ ንፊደላት ራብዕ፡ ሳድስ ከምኡ’ውን ሳብዕ ኣተኵሮ ክንህቦም ኣለና። ብፍሉይ ፊደላት ‘ረ’ን ‘ፈ’ን ኣብ እንምህረሉ ድማ፡ ተወሳኺ ኣተኵሮ የድሊ። ኣብ ሳልሳይ ጕጅለ ዝርከቡ ፊደላት፡ ኣብ ኣርባዕተ ንኡሳን ጕጅለታት ዝተመቐሉ እዮም። ሰለስተ ኣእጋር ዘሎዎም ከም ጠ፡ ጨ፡ ሐ፣ ሓደን ክልተን ኣእጋር ዘሎዎም ከም የ፡ ደ፡ ጀ፣ ክልተ ኣእጋር ዘሎዎም ከም ‘ጸ’ን ‘ጰ’ን፣ ከምኡ’ውን እግሪ ዘይብሎም ከም ሀ፡ ዐ፡ ወ፡ መ እዮም። እዚኦም እቶም ዝበርትዑን እኹል ግዜ ክውሃቦም ዝግባእን ፊደላት እዮም። ብሓፈሻ፡ ኣብ’ዛ መጽሓፍ፡ ድሕሪ ነፍስ-ወከፍ ፊደል፡ ቃላት፡ ምሉኣት ሓሳባትን ተወሰኽቲ መላመድታትን ኣለዉ። ቈልዑ፡ ብርግኣት እንተ ተማሂሮምላ ድማ፡ ውጽኢታዊ ክትከውን ትጽቢት ይግበረላ። ነዛ መጽሓፍ እዚኣ ብግቡእ ዝዛዘሙ ቈልዑ፡ ናብ’ታ ሊላ ዝሕብራ ናይ’ዛ ቀዳመይቲ መጽሓፍ ካልኣይቲ ክፋል ክቕጽሉ ይኽእሉ። ድሕሪኡ ድማ፡ ናብ መጽሓፍ ቍጽሪ ክልተን ሰለስተን ይቕጽሉ።